Zaithiam Olivia Rodrigo chu New York khawpuiah park pakhatah hmuh niin, hetah hian amah maia kal lovin lungawi leh inhaw lo taka thutpui a nei a, umzui a hlawh nghal hle.
Daily Mail tarlan danin Rodrigo kalpui hi Julian Croonenberghs a ni a, ani nen hian an inkawp chawt bakah, hun nuam tak an hmang mek a ni.
An pahnih hian June thla khan an inzui tih thuthang hmasa ber an nei tan a, zanriah an eidun lai hmuh niin, heta tang hian ngaihven lehzual an ni nghal.
‘So American’ singer hi lemchanthiam Louis Partridge nen kum 2023 khan inkawpin, hlim taka an awm reng emaw tih laiin kum 2025 December thla khan an inthen thu tihchian a ni a, hemi hnu hian a thawm pawh reng vang vangin tunah a ngaihzawng thar nen thuthar an rawn nei leh ta a ni.
June thla khan an kawmna pakhatah Rodrigo chuan hmangaihna dik tak, keimah atanga chhuak chu ka hmu tan mek tiin a lo sawi thawi zuai tawh a, hei hi Croonernberghs nen an chungchang a sawina nia rin a ni bawk.