Aizawl: Mizoram Lok Sabha MP Richard Vanlalhmangaiha chuan Ningani khan New Delhi-ah union minister pahnih, Culture Minister Gajendra Singh Shekhawat leh Environment, Forest & Climate Change Minister of State (Independent Charge) Kirti Vardhan Singh te a kawm.
Union Culture Minister Shekhawat a dawrnaah Richard Vanlalhmangaiha chuan Mizoramin Tagore Cultural Complex a neih ve ngei theih nana hma laksak turin a ngen.
Union minister chuan he hmalakna atana inkaihhruaina chu ennawn mek a nih thu sawiin cabinet-in guideline thar a pawm veleh Mizoramin cultural complex hi a neih ve ngei theih nan theihtawpa hma a lakpui tur thuin a lo chhang.
Ningani vek khan MP hian Environment, Forest & Climate Change Minister of State Singh pawh a office-ah a hmu bawk.
An inkawmnaah hian Mizoram Tribal Area, a bikin Dampa Tiger Reserve leh hmun hrang hrang a zangnadawmna lak tur la tangkhang mek te chu a nih dan tur ang taka rang lama lak a nih vat theih nan sorkar laipui hmalakna a dil a. RFCTLARR Act, 2023 innghah nana hmanga he zangnadawmna hi a dawngtu turten an dawn ngei theih nana hma la turin a ngen a, minister pawhin theihtawp chhuahpui a lo tiam bawk.