July 31 khan Spider-Man movie thar ber Brand New Day chu theater-ah chhuah tan niin, hemi hma ni July 30 han Tom Holland chuan a suit chu midang hnena hlan tura a inpeih reng thu a sawi.
Kum 30 mi Holland chuan kum 2021 a Spider-Man: No Way Home kan tihchhuah khan a tawk tawh viauin ka hria a, Spidey nih tumna pawh ka nei tawh lem lo. Mahse, tunah Brand New Day-ah ka tel leh a, hei hi a tawpna a nih ka ring, a ti.
Mahse, Spider-Man chan chu nuam a tih reng thu leh englai pawha a phur thu sawiin, a lehpek a la awm zel a nih a, min la duh a nih bawk chuan hnar chu harsa ka ti khawp ang, a ti bawk.
Tobey Maguire leh Andrew Garfield te hnua Spider-Man lema chang Holland hian a hnehsawhin, a hmaa mite aia inhmeh titu an tam hle a, a movie hi a la hit zui zel bawk nen, chawl tura duh lotu chu an la awm reng dawn a, a tan pawh thutlukna siam harsa tak a nih a rinawm.