July 31 khan theater-ah chhuah tan niin, kartawp boruakin a zui chho bawk nen, Spider-Man film thar ber chu US ram pumah tlangzarh anih atanga kartawp entu tam nghal pawl a ni nghal a, $mtd 355 zet a lalut nghal hem mai.
Hollywood report danin kartawp chhung khan Spider-Man: Brand New Day hian US ram pumah $mtd 355 a lakluh bakah, khawvel pumah $mtd 927 a lalut bawk.
Heti hian chhuah a nih atanga kartawpa sum lalut hnem nghal berah 2019 a tihchhuah Avengers: Endgame chiah a phak lo a, tihchhuah a nih tum hian Endgame hian US ram pumah $mtd 357.1 lalutin, khawvel pumah $tld 1.2 a lalut a, he movie-ah hian Spider-Man lema chang Tom Holland pawh a inlan a ni.
Sony leh Marvel thawhhona hnuaia kumina sum lalut hnem ber leh thawm nei lian nghal ber a ni bawk a, kum 2021 a Spider-Man: No Way Home an tihchhuah kha a hunlai chuan thawm nei lian tak nimahse, a tir chawlhkarah US ramchhungah $mtd 260 leh khawvel pumah $mtd 600 la lutin, Brand New Day hian a rawn khum hneh var var hle.
Spider-Man: Brand New Day-ah hian Holland, Zendaya leh Jacob Batalon te chu inlan lehin, John Bernthal chu a rawn kir leh bawk.