Juventus chuan Randal Kolo Muani chu Paris Saint-Germain atangin Euro maktaduai 50-in an la lut a, maktaduai 38 an pe phawt ang a, a khelh dan azirin maktaduai 15.2 an pek belh ang.
Kum 27 mi, Muani hi Juve-ah hian a mikhual hran lo va. Kum 2023 khan PSG panin, 2024-25 season chawhnu lam kha Italian club-ah hian loan-in a khel a, vawi 22 khelhah goal 10 a khung.
Kum nga khel turin contract a ziak a. Muani hian kum 2023 khan PSG a zawm a, French club a pan hma season-ah hian Eintracht Frankfurt tan league-ah vawi khelh 32-ah goal 15 a thun thei.
PSG hian € maktaduai 90-in an la lut a, an beisei erawh a pha lo va, vawi 54 khelhah goal 11 khungin thla liam ta 18 chhungin Juve leh Tottenham Hotspurs-ah loan-in a khel.
Spurs-ah hian season hmasa tluan kha loan-a khelin inelna hrang hrangah vawi 41 a khelhsak a, goal nga khungin, mi dang thun tur vawi li siam a nei.