LESDE Labour Link LPS Pro Fight chu September 9, Nilaini zan atangin tan a ni leh dawn a, tunlai thalai zinga thawm ngah leh a kalna lam apianga en rawn hlawh Remthanga pawhin a tel leh tur thu a tichiang tawh.
Kg 48 atanga 52 inkar flyweight khel turin Lalremthanga Hmar chuan form a thehlut tawh a, kum 30 mi Sakawrdai tlangval hian kum 2025 LPS Comedian Search atang khan hriat rawn hlawh chhoin, tun tum Pro Fight ah pawh hian boruak a nei viau tura ngai a ni. Tin, hun hmasa lamah Remthanga hi Pro Fight-a lo tel tawh a nih avangin tun tumah pawh hian a mikhual vak lovin a rinawm.
Pro Fight tel tumte tan form lakchhuah theih a ni tawh a, August 31 thlenga thehlutte chu tel thei tur niin, entry form hi Rs 10/- in lakchhuah thei reng a ni bawk.
Entry form lakchhuah leh thehluhna hi LPS Office, Zarkawt leh Dozoma Optical, Canteen Kual, Dawrpui te a ni.