Aizawl: Mizo Zirlai Pawl (MZP) General Headquarters huaihawtin Ningani chawhma dar 10 khan Mizoram Public Service Commission (MPSC) pisa kawtah an pungkhawm a, MZP Headquarters Manipur Vice President James Vanlalhluna boral avangin chawhnu dar 2 khan an protest nei an call off a ni.
MZP hruaitute chuan zirlaite leh thalai hna zawng mekten MPSC-ah rinna an nghah leh theih nana thil phut an neihte a hlawhtlin hma loh chuan he protest hi chhunzawm zel an tum thu an sawi.
Ningania MZP Headquarters Manipur vice president a thi tih hriat a nih rualin MZP chhungkua leh ram leh hnam zirlaite tana a hnathawhte zahna lantir nan protest hi an call off rih a ni.
August 7, 2026 hian a hun leh a hmun ngaiah punkhawm leh a ni ang. MZP chuan duhkhawp lohna social media kaltlang ringawta sawisel lo va, zirlai leh thalaite a taka che chhuak ve turin an sawm bawk.