Amazon Air bungraw phur thlawhna chu Miami International Airport-a a tum tur tlankawng tlan pela chesualin mi panga an thi a, panga dangin hliam an tuar.
Boeing 767-300 bungraw phur thlawhna hi Pathianni chawhnu dar 02:00 (India-a Thawhtanni zing dar 12:30) vela Luis Muñoz Marín International Airport, San Juan, Puerto Rico atanga a thlawk lut a ni a. Leia lirthei tam tak a su tel bawk.
Amazon chuan ‘tual chhung thuneitute nen eng chiah nge thleng tih hre turin’ tha takin an thawkho tih a sawi.
Federal Aviation Administration (FAA) chuan a kang thelh a nih chhungin thlawhna dangte an dintir a. Chetsualna thlen lai hi Labor Day kartawp, kum khat chhunga zin veivak an tam vanglai a ni.
Miami-Dade County Mayor Daniella Levine Cava-i chuan, “Mi panga vel thi an awm a, panga dangin hliam an tuar a ni,” tiin Pathianni zana thuthar lakhawmtute a hrilh.
Miami Fire Chief Raied Jadallah chuan hliam zinga pathum chu an na hle tih a sawi a, mayor chuan an zavaiin damdawi ina dah an nih thu a sawi.
Thuneitute chuan chetsualna thlen chhan sawi nan a la hma tih sawiin National Transportation Safety Board-in an chhui zui mek tih an sawi.