Spider-Man movie thar ber Brand New Day chuan khawvel pumah nitin sum a hailut hem hem a, mite en nasat niin, a sum lakluh ringawt pawh hian record awmsa a khum nual tawh.
A changtute pahnih Tom Holland leh Zendaya te pawhin an inkungkaihna a nghet tih nemnghet zui zelin, an inneih zungbun niawm tak takte chu vantlang hmuhah an rawn lekchhuah tawh a, co-star Jacob Batalon pawh a awm mai mai bik lo, ni thum chhung nupui neih inkhawm hmangin, a kawppui nen an lo inkutsuih ve bawk.
Kum 29 mi kawppui hi interior designer Veronica Leahov niin, kum 34 mi a ni tawh a, France khawtlang lamah ngawi rengin, sawm bikte nen August 25-27 chhung khan inneih inkhawm an lo hmang a ni.
An inneih inkhawmah hian mi 50 tha zet zawt bak an awm lo nia sawi an ni a, Sipder-Man movie-a a telpui an kim hle nia tarlan niin, ni thum chhung inneih inkhawm an hmannaah hian a nuam leh hlimawm thei ang berin kalkhawmte chu hun an hmanpui nia tarlan a ni bawk.
Innei tharte chuan hun hlimawm, chhinchhiah tlak tak an hman thu leh an mi sawmten an tawiawm theih avanga lawmthu sawiin, an bultanna leh an hma hun zel atana an ke pennate zahsak turin ngenna an siam zui nghal a ni.