Inrinni zan, September ni 5 khan Miss World 2026 thlanna chu a hmawrbawk niin, khawvel nula nalh tak tak zingah Dominican Republic nula Joheirry Mola chu Miss World 2026 atan thlan a ni.
Miss World tum 73 thlanna hi Vietnam-a Nha Trang, Khanh Hoa-ah neih a ni a, khawvel ram hrang hrang 111 atangin nula nalh tak tak thlanchhuahte inelin, thlirtu pawh an thahnem hle.
1st Runner-up chu Spain nula Elisabeth Reynes niin, 2nd Runner-ip ah Malaysia nula Taanusiya Chetty thlan a ni bawk.
Miss World atana thlan thar Mola hi Business Management and Administration-a degree nei niin, khawtlang tana thawk nasa leh naupang leh thalaite English zirtirna lama ke pen thin a ni a, English lama an zirtirtu tha nia tarlan a ni bawk.
Joheirry hi Dominican Republic nula zinga Miss World ni thei pahnihna niin, a hmain kum 1982 khan Mariasela Alvarez chuan an ram aiawhin Miss World lukhum a lo khum tawh a, kum 44 hnuah Joheirry hian a rawn khum veleh ta chauh a ni.