Special Intensive Revision (SIR) of Electoral Roll 2026 chu nimin khan final roll tlangzarh niin, hetah hian Mizoram chhungah nihna inthlak (transgender) pakhat a awm thu tarlan a ni.
Mizoramah voter 8,35,869 awmin, hmeichhia 4,32,689 leh mipa 4,03,179 an awm a, mipa leh hmeichhe inthlauhna hi 29,510 a nih bakah, transgender pakhat hi a lo awm a ni.
Kan ram mipui punna leh a zah chu engpawh lo nise la, nihna inthlak kan kawl ve ta hrim hrim hi lawm tur nge lawm loh tur ni ta ang tih hriat thiam a har a, hun a lokal zel anga intihhmuh thilah kan nei mai ang tih hlauh tak a ni bawk.
Nihna inthlak hi khawvel ram thenkhat chuan phal tawh mahse, Kristian intite tan hi chuan thiltih chi loh hul hual niin alang a, kan ram kalphung leh kan society ngaihtuah phei hi chuan kan pawm loh ngam zel pawh a tul ngeiin a rinawm.
Hun a kal ang a, kum a vei ang a, thangthar zawkte pawh an lo chhuakin, duh tunlai tumin kan rindan leh kalphungte pawh an lo her ngeiin a rinawm, mahse nihna inthlak kawngah hian kan fir a, kohhran pawhin thuchhuah thlenga a siam hi a ngai ve tawhin a rinawm bawk.