Electric bill leh smart meter complaint 1,000 chuang dawng tawhin, heng zinga 800 ching fel tawh.
Power & Electricity (P&E) Department-in Aizawl khawpui chhunga electric bill leh smart meter chungchanga harsatna awm te chinfel sak tura an buatsaih complaint thehluh leh chin felna rûnpuiah Nilaini thleng khan mi 1,052 in complaint an theh lut tawh a, heng zinga 833 hi chin fel a ni tawh.
P&E Department hmalakna he rûnpui hi Aizawlah Thawhtanni atanga tan kha niin, Ningani thleng a awh dawn a ni.
Complaint dawn zat leh chin fel zatte a chawlhkar telin a a pung a; Thawhtanni khan complaint 290 dawn niin, 228 chin fel a ni a. Thawhlehni khan 378 dawngin 310 chin fel a ni a, Nilaini khan complaint 384 an dawng leh a, heng zinga 295 hi chin fel nghal an ni.
Nilaini thlenga complaint hmuh tling khawm, 1,052 atangin 833 ching fel tawh mah se, a hmuna kalchilha enfiah chhunzawm ngai mi 209 an la awm a, hengte pawh hi P&E Department hian enfiah chhunzawm zel an tum a ni.