Aizawl tlaklam vengah tui harsatna a zual a, khawpui chhung ngaihtuah pawhin tui kan hnianghnar lo hle bawk.
Heti a ni chung hian a changtu minister chuan kumtir lam atang khan a chhan hrang hrang a sawi a, a chinfelna lam erawh min ngaihtuahpui lem lo thung.
Tui harsatna hi a thleng ngei tih chu mitinin kan hre vek a, Aizawl tlak lam veng thenkhatah tuilakna chhiat avangin harsatna nasa zawk a thleng bawk. Tunah hian thla khat chuang tui haw tawh lote an awm a, ruahsur ve bawk thin mahse, mi inluaha khawsa, tui dawn khawlna nei lo an tam avangin mipui phun thawm a ring hle.
Heng mite hi sorkar hian an ngaihsak lem lo niin a lang a, tui lakna kawnga harsatna thlen thu bak hriat a ni lo a, sorkar in a chinfel hna hi hmanhmawh takin thawhsak tawh se a duhawm hle.
Ruahsur lai pawha tuia harsatna awm hi a manganthlak a, sorkar hian ngaihtuahna tha zawk hmang se la, a tul a nih chuan tui pawh chawisak mai rawh se. A hotu sang level-ah chuan an buai hauh lo ang, buai pawh nise an lei thei mai. Mahse, leina nei ve lo, mi inluaha khawsa, tui dawhkhawlna nei chuang lote hi ngaihtuah an ngai tawh tak zet a, insawifiahna ringawt hi hriat a ninawm tawh a, a tul angin pek dan ngaihtuah thuai thuai tawh teh se.
Thla khat chuang tui haw tawh lote bill hi an siam leh duh awm tho si a, sorkar hian a mawh a ni tih hre ngam se la, anmahni thlang tlingtu mipuite harsatna hi chinfelsak rang thuai teh se, a changtu minister pawhin ngaihtuahna seng leh deuh bawk se la…