Aizawl: October 2 – 4, 2026 chhunga Thingsulthliaha Masihi Sangati Convention vawi 34-na chu Pathianni zan khan a tiak.
Convention thupui atan ‘Khawvel mamawh Isua Krista’ (Johana 6:68) tih hman a ni a, Rev. B. Zobiaktluanga, Aizawl South Bial vawngtu chu speaker a ni.
October 2, 2026 (Zirtawpni) zan khan inlawmna inkhawm neih a ni a, Rev. Dr. Rosiamliana Tochhawng, Executive Secretary i/c Ramthar-in programme a kaihruai a, Albert Lalhmangaiha, SMB Co-ordinator-in inlawmna leh inhmelhriattirna hun a hmang a, bial report ngaihthlak niin Synod Moderator Rev. John Raldosanga’n Pathian thuchah a sawi.
October 3, 2026 (Inrinni) zingah tawngtai inkhawm hun hman a ni a, chawhma Pathian biak inkhawmah Rev. Zorammuana, Aizawl West bialtuin inkhawm a kaihruai a, Speaker Rev. B. Zobiaktluanga hnen atangin Pathian thuchah ngaihthlak a ni. Chawhnu lamah Fellowship & Cultural Programme hun hman a ni. Zan Pathian biak inkhawmah Rev. R. Lalfakawma, Khawchhak bialtuin inkhawm a kaihruai a, Speaker hnen atangin Pathian thuchah ngaihthlak leh a ni. Inkhawm banah Fellowship & Zaikhawm neih a ni bawk.
Pathianni zingah tawngtai inkhawm neih leh a ni a,chawhma Pathian biak inkhawmah Rev. Vanlalhuma, Thingsulthliah bialtuin inkhawm a kaihruai a, Speaker hnen atangin Pathian thuchah ngaihthlak a ni. Chawhnu inkhawm chu Rev. Vanlalhruaia Ralte, Aizawl Central bialtuin a kaihruai a, Speaker hnen atangin Pathian thuchah ngaihthlak a ni.
Zan Pathian biak inkhawmah Rev. R.K. Lalawmpuia, i/c Aizawl North bialtuin inkhawm a kaihruai a, Rev. R. Lalhmingsanga, SMB Secretary hnen atangin Pathian thuchah ngaihthlak a ni. Inkhawm banah Fellowship & Zaikhawm neih leh a ni.
Inkhawm apiang hian solo, band, zaipawl zai ngaihthlak tur a awm ziah bawk.