Aizawl: Lok Sabha member (MP) Richard Vanlalhmangaiha chu a lo zir tawhna thin, Govt. Hrangbana College (HBC) Alumni Association te chuan Thawhtanni khan MP a thlan tlin a nih avangin lawmpuina an hlan.
Lawmpuina hlan a nih rual hian Richard Vanlalhmangaiha hian HBC Department of Commerce Sports 2026 a hawng nghal bawk.
MP hian college zirlaite chu ram leh hnam tana chhenfakawm ni zel tur leh theihtawp chhuaha lehkha zir turin a fuih a; Mizoramin hma a sawn theihna tura ngaihtuahna seng chungin union budget leh Mizoram budget-te uluk taka zirchiang thin turin a chah bawk.
He hunah hian Alumni Association President J.K. Dawngzuala leh Vice Principal Lalchangliana te pawhin zirlaite fuihna thu an sawi a, college Principal, zirtirtute leh Alumni Association hruaituten an telpui a ni.