Aizawl: Mizoram State Chief Information Commissioner John Neihlaia chuan Thawhtanni khan Mizoram Information Commission (MIC) leh Mizoram State e-Governance Society (MSeGS) te buatsaih, information dil awlsam zawk leh mumal zawkna tur Mizoram RTI Online Version 2.0 portal thar a tlangzarh.
State Information Commissioner Mangjangam Touthang kaihhruai inkhawmah he portal thar hi tlangzarh a ni a. Chief Information Commissioner John Neihlaia chuan Mizoram chu India ram phai leh state dangte zinga RTI case chinfel (disposal) kawngah pakhatna a nih thu a sawi bawk.
Version 2.0 thar hi computer atanga hman tura duan a ni a, version 1 aiin hman a awlsam zawk bakah, Mizo tawngin FAQ dah a ni a, MSeGS hian a thlawnin he system hi an enkawl chhunzawm dawn a ni.
Portal thar hi tihchangtlun zui a ni a, Unique ID hmanga RTI dilna chhui zui theih a nih bakah, SPIO leh FAA ten hun tiam chhunga RTI an chhan loh pawhin diltu hnenah appeal thehlut turin hriattirna (notification) a pe thei tawh dawn a ni.