Aizawl: Mizoram Police Motorcycle Rally Team, Aizawl atanga Ekta Nagar, Gujarat thlenga kal tur chu Thawhlehni khan Mizoram Director General of Police (DGP) Sharad Agarwal, IPS chuan Police Headquarters (PHQ), Aizawl atangin a vai liam.
Team member pariatte hi Aizawl atanga Ekta Nagar thleng km 2,900 vela thui tlan tur an ni a, an kal kawngah zirna inah ruihhlo dona inzirtirna (awareness program) an buatsaih thin dawn a ni.
Mizoram Police team te hi Guwahati, Assam-ah North-East state dang rally team-te nen inhmu khawmin, chuta tang chuan Ekta Nagar panin an kal ho ang. Anni hi October 31, 2026-a Sardar Vallabhbhai Patel piancham a lo thlen hunah Rashtriya Ekta Diwas Parade neih turah an tel dawn a ni.