Aizawl Municipal Corporation (AMC) hnuaia Study Team on AMC Building Regulations and SD&SM Regulations rawtna Board of Corporators Meeting-in a pawm angin leh AMC Building Regulations, 2012 (as amended) Regulation 51-in a sawi angin, AMC huam chhunga in (Permanent leh Semi-Permanent) sa zawng zawng chuan safety net (len) an zar ngei ngei tur a ni tiin thuchhuah an siam.
Ruahmanna hi mipui himna atana pawimawh tak, khawpui fai nan leh thenawm khawvengte tana hnawksak a nih loh nana tih a ni.
Hemi rual hian khawpui chhung kawngpui leh footpath-ah te in sakna bungrua reng reng dah hnawk phal a ni tawh lo bawk.
Hetih lai hian, AMC huam chhunga AMC Building Regulations, 2012 bawhchhiatna – phalna nei Io emaw phal ang ni lova in sak emaw a Io tawp theih nan AMC chuan Local Council leh mipuite thawhpuiah a sawm a. Local Council zawng zawngte chu AMC Building Regulations, 2012 bawhchhia an hriatte chu hriattir nghal vat turin a ngenin a sawm a ni.
AMC huam chhunga Street Vendor leh Mobile Vendor (dawr ak leh thil zuara kal kual) zawng zawngte chu December ni 18, 2025 hmain AMC-ah in-register vek tura hriattir an ni bawk.