Aizawl: NSS Govt T Romana College leh Save Environment Association (SENVA) Genereal Hqrs, Aizawl te huaihawtin Nilaini khan Govt T Romana College-ah ‘72nd National Wildlife Week 2026’ hman a ni.
Enviroment & Forest, Climate Change Minister Lalthansanga chuan a hmanpui a. Mizoramin ramngaw 1.26 (semi forest) chauh a neih tawh avangin thing leh mau neih that a pawimawh thu a sawi a. Mi tinin eng nge an tih ve theih tia environment tihpun zelna atan hma an lak a pawimawh thu a sawi.
Nungcha humhalhna atan tuna an hun hman hi a bul tanna chauh a nih thu sawiin minister chuan thing leh mai humhalh a, ramngaw siam tura an hmalaknate avangin vawiin niah hian nungchate an zalen tan mek tih a sawi bawk.
He hun hi SENVA President K Biakthianglhima’n a kaihruai a, GTRC Principal Dr. Jenuffer Lalbiakdiki leh NSS Programme Officer Dr Lalchhuanmawia te’n thu an sawi bawk.