Mizoram State Project Monitoring Committee (MSPMC) Vice Chairman R. Lal Rinawma hova Inspecting Team chuan Ningani khan Ramthar Veng Aizawla Multi Purpose Community Centre sak hna kal lai mek an endik.
He Community Centre hi SACI 2025-2026 atanga Rs vbc 4.23 senga sak zawh pum tura ruahman niin, thla 18 chhunga thawh zawh tum a ni a, a zawh hun tur hi December 15, 2027 a ni.
MSPMC Inspecting Team te hian he building sakna hmun hi tlawhin concrete quality leh hnathawh kalhmangte uluk takin an endik a ni.
He Multi Purpose Community Centre hi a dung feet 120 leh a vang feet 66 vela lian a sak a ni a, a tirah NEDP 2018-2019 sum Rs. nuai 500 senga April 2020 atanga sak tan kha a ni.
Building duan danah hian ground floor-ah 4-Wheel motor 30 leh Two-wheeler eng emaw zat dah theihna tur ruahman a ni a, a chung lam hi chhawng thum tura duan a ni. A chhawng thumnaah hian Badminton Court pathum leh Basketball Court sak a ni dawn a; a chhawng hnihnaah he sports hall tibuai lo turin Auditorium zau tha tak, mipui punkhawmna seat leh sound system changtlung tak nena a hrangin dah a ni bawk.