Sualnain nasa takin thla a zar zel a, kan hun tawn chhoh mekin nasa takin kan nunphung leh hawiher a sawi danglam a, buaina nasa zawk thlenga tuar thei reng kan ni ta.
Ruihhlo leh a kaihhnawih ringawt pawh hi kan ram buaina a tling tawh a, tualchhung buaina sang zel tur thlenga kan ven a ngai ta. Chumi tur chuan mitin kan tanrual a, kan thawhho that a va ngai ta em.
Vengchhung leh veng daipawn deuha thalai rual an awm khawma rik hlut an neih changte a awm ta fo a, nunna hial chan phah an awm leh thin hi a pawi a, sualna hrang hrang do tur hian chhungkaw tin kan tanrual a, mimal tinin beng kan chhit tlan deuh pawh a tul hle.
Tunah chuan veng chhung khawii emaw laia thalai rual awmkhawm va fin ngawt leh an rik hluta upa zawkten zaizapa va tih ngawt hi a him lohna chin a awm tawh a, kan nunphung leh khawsazia hi kan inzirtir that leh a tul khawp mai.
Engpawhnise, mitin tangrual ila, sorkar hian a mi leh sate hi ngawrh lehzualin duty tir se, chhungkaw tinin kan hnam nun mawi leh thate chhungkuaah i inzirtir thar leh teh ang u.