Aizawl: Mizoram Universal Health Care Scheme (MUHCS) hnuaia damdawi in empanelment leh rate inremna chungchangah, sorkar leh Synod Hospital, Durtlang inremna rate ang chiah hian damdawi in dang empanelled la ni lo (non-empanelled hospital)-te pawh empanel turin sorkar a inpeih reng tih Health & Family Welfare Department chuan thuchhuah an siamah an tar lang.
H&FW department tar lan danin, tun hnaia chanchinbu leh social media hrang hrang atanga tar lan a nih angin, sorkar leh Synod Hospital, Durtlang-te inremna rate ang hian Mizoram chhunga MUHCS Non-Empanelled Hospital hrang hrangte pawhin MUHCS zawm an hreh loh thu an hria a, he thil hi sorkar chuan lawmawm a tih thu a tar lang a ni.
Mizoram chhunga MUHCS Non-Empanelled Hospital zinga Synod Hospital, Durtlang-in khawl tha a neih ang nei chu sorkar leh Synod Hospital inremna rate hmang hian MUHCS hnuaia empanel turin sorkar chuan a inpeih reng thu a tar lang a ni.