Aizawl: Nilaini khan BNRGSK Hall, Aibawk-ah State Level Bankers’ Committee (SLBC) huaihawtin Aizawl district hnuaia Aibawk Block tana ‘Saturation Campaign of Financial Inclusion (FI) Schemes at Gram Panchayat Level’ hman a ni. He campaign hian October 21, 2026 atanga tanin December 31, 2026 thleng a awh ang.
He programme hi Shivani Mohan, IAS, SDC Aizawl district chuan a tlangzarh a, Aibawk RD Block BDO VL Chaka Hmar pawhin a telpui.
Programme-ah hian T. Lhungdim, General Manager & OiC, RBI leh Muanzova Duhlian, Convener, SLBC & Regional Manager, SBI ten India khua leh tui ten bank hrang hrang kaltlanga sorkar hamthatna scheme hrang hrang an neih theih te an sawifiah a ni.
Thu sawitu dang V. Lalrinmawia, Senior Manager (FI), MRB Head Office chuan campaign tum ber chu sorkar hamthatna scheme hrang hrangte mipui hnenah hrilhfiah a, an banphaka chhawpsak a ni tih a sawi a. Mipuiten an chanvo dik tak an chan theih nan bank lamin an puih reng thu sawiin, sorkar laipui insurance scheme hrang hrang — PMJDY, PMJJBY, PMSBY, leh APY te a sawi fiah nghal bawk.
He hunah hian zawhna leh chhanna hun hman a ni a, mipuite zawhna hrang hrang chu bank official ten kimchang takin an chhang nghal zel a ni.
Mipuiten bank account hawnna leh insurance-a inziahluhna a hmuna an tih nghal theih nan bank hrang hrang te an inchhawpchhuak a ni.