Aizawl: Mizorama sericulture than zel dan tur leh hmasawnna rahbi thar kai dan tur sawi hona ‘Consultation Meeting on Formulation of Silk Capital Project’ chu Sericulture Department Secretary VL Hruaizela Khiangte hovin Directorate of Sericulture, Chaltlang-ah Nilaini khan neih a ni.
VL Hruaizela Khiangte chuan he sector hi zirchian tlak tak leh Mizo-te tana tih awm tak leh rilrem zawng tak a nih thu a sawi a. Chief Minister Lalduhoma’n sericulture a tuipui zia sawiin lawmthu a sawi a, sericulture kaltlangin hamthatna leh hlawkna tam tak a awm avangin thawhhona tha tak nen hmasawnna tak tak hmuh ngei a beisei thu a sawi bawk.
He hunah hian Joint Director B. Lalchhuana hnen atangin kum 2030-a sericulture-in hmasawnna leh dinhmun thar a neih theih dan tur ruahmanna te ngaihthlak a ni bawk.
Chawhnu lamah district hrang hrang atanga District Action Plan buatsaihte thlirzauna leh sawihona hun hman chhunzawm a ni.