Slumdog Millionare atanga khawvel lemchan thlenga hming chher chho Freida Pinto chuan India film leh TV show hrang hranga hmeichhiate dinhmun chu a tha tawh hle niin a sawi a, zah leh duhsak kawngah pawh hma an sawn tawh niin a sawi.
Kum 2008 kuma Oscar dawngtu chuan India ram film-a hmeichhiate dinhmun leh show hrang hranga an hmasawnna chu hmuh theih khawp niin a sawi a, Pinto hian kum 2027 Pirelli Calendar-a India hmeichhe langsar 9 zinga thlan an nih hnuin he thu hi a sawichhuak a ni.
Thil zawng zawng chu a la danglam vek lo a ni thei. Mahse, hmeichhiate dinhmun hi a sang zel a, kan hmuh dan leh sum leh pai thlenga mipate kan tlukzia leh kan intluktlan tawh dan hi hmuh theih khawp niin ka hria, a ti.
A nihna takah chuan hmeichhiate hmel leh landan tel lo chuan show leh film hi a kal thei lo tluk a ni a, chuvang chuan an pawimawhna hi hre thar a, kan dah hlut telh telh pawh a tul hle, a ti bawk.