Singapore International Film Festival-a Screen Icon Award dawngtu Aamir Khan chuan award a dawn zawha an kawmnaah mittui nen a hringnun thlirkirin, harsatna tam tak a lo tawh thin thu leh chhungkua thlenga nghawng lian tak a lo neih thin tawh thu a sawi.
Bollywood superstar hi Singapore comedian Rishi Budhrani-a kaihhruaina hnuaiah biangbiakna neih a ni a, hetah hian insum zo lovin a mittui a tla nasa hle.
A career-a a hun tawn duhawm lo tak takte sawichhuakin, Covid laite khan manganthlak khawpa a nun a hrehawm thu a sawi a, mi a ang maia khawsak mai chang pawh a neih thu a sawi.
Film industry a luhchilh atanga kum 30 chuang a hman hnuah pawh hlawhtling intih loh chang a la ngah thu a sawi a, chhungkua mai bakah, a fate thlengin a nun an tihrehawm chang a tam thu a sawi a ni.
Kum 56 mi lai ni tawh Khan chuan, a hma hun chu engmah sawi lawk theih a nih loh thu sawiin, kum 86 hi dam thleng ila hlawhtling ka inti ang em, tih thlenga a la ngaihtuah fo thin thu a sawi bawk.