Aizawl: Ar vulha eizawnna bul tan duh chhungkaw 10 thlan chhuahte hnenah Aizawl West I bialtu MLA, Adviser to Chief Minister (Finance & Planning) TBC Lalvenchhunga’n November 16, 2026 zingkar khan Tanhrilah an bul tanna tur ar note 100 theuh, a chaw bag hnih theuh leh tui pekna a hlan.
He tanpuina hi bialtu MLA aiawhin Aizawl West-I Block I President Lalthankhuma’n a hlan a, TBC Lalvenchhunga hian hun hmasa lamah Rangvamual leh Phunchawngah chhungkaw eng emaw zat hnenah ar vulh bul tanna tur hi lo pe tawhin, tun tum hi a thawh thumna a ni a, a bial chhung veng dangah pawh a tul dan anga kalpui zel tum a ni.
Bul tanna tur dawngtu, tih tak zeta bei chhunzawmte chu tanpuina awm thei ang angte ngaihtuahsak chhunzawm zel an nih tur thu sawiin, bialtu MLA chuan taimakna leh thawhrimna nen hlawhtling tura bei hram hram turin ar note dawngtute a chah a. |anpuina dawngtute pawhin bial mipuite harsatna ngaithla a, an bul tanna tur ngaihtuahsak thintu MLA an nei chu lawmawm an tih thu sawiin, bialtu MLA hmalaknate thlawp tlat an tum thu an sawi bawk.