Aizawl: MZP Hqrs Lunglei sorkara an thil ngiatte leh lungawi lohna an lantirin awmzia nei loa sorkar lam atanga eng thu mah an la dawn loh avangin nimin khan DC office-a thawktute chu pisa kai tur an dang.
Lunglei district-a MCS officer indaih lohna sukiang turin MZP Hqrs. Lunglei chuan sorkar nawrin Ningani khan DC office kawtah lungawi lohna an lan tir tawh a. Mahse, hemi hnuah pawh sorkar lam atangin eng thu mah an la dawn loh avang leh MCS officer dah belh tura sorkar an ngenna tihhlawhtlin a nih ngei theihnan DC office-a thawktute pisa kai tur hi dangin, DC chawpin thawktute pisa kai an awm lo.
MZP Hqrs. Lunglei President Lalpeksanga Chenkual chuan, Lunglei district chhunga MCS officer indaihlohna sukiang tura sorkar an ngenna tihhlawhtlin sak an nih hma chuan DC office thawktute dan chhunzawm zel an tum thu a sawi a. Heti chung pawha an hmalakna hian awmzia a neih loh chuan, chawlhkar thar atangin tun aia nasa zawka hmalak chhunzawm an tum thu a sawi bawk.