Aizawl : April 30, 2022 khan Polyclinic Conference Hall, Khatla ah World Veterinary Day 2022 lawmna leh IVA Annual General Body Meeting hman a ni.
World Veterinary Day 2022 lawmna hun hi Dr. Daniel Chianghnuna, President IVA in kaihruaiin, Dr. Lalremliana, Director, AH & Vety Dept chu khuallian a ni. He hunah hian kumin World Veterinary Day thupui, “Strengthening Veterinary Resilience” chu Dr. Lalhmingthanga, Addl. Director, AH & Vety Dept. hnen atanga ngaihthlak a ni bawk.
Chawhnu lama IVA Annual General Body Meeting leh hruaitu thlanna hun hman zui a ni a. Kum 2022-2024 chhunga IVA hruaitu tur thlanchhuah te chu: President-ah Dr. Lalremliana, Vice President-ah Dr. Robert Rualthankhuma, General Secretary atan Dr. C. Lalchhandama, Asst. Secretary-ah Dr. H. Lalrinkima, Treasurer atan Dr. Lallawmzuali Ralte leh Finance Secretary atan Dr. H. Lalpanmawia te an ni.