Kolasib district-a lo neia eizawng chhungkaw 1726 ten kumina an lo vah zau zawng Buh tin 3170 leng a ni a. Sorkarin lo hal theih hun a bituk March ni 15 hmaa lo hal hman lo, hun tiam pelh hnua lo hal dil mi 40 an awm.
Kolasib dist level fire prevention committee thutkhawm nimina neihah he thu hi tarlan a ni a. Kuminah Kolasib district-ah vawi tum 312 kangmei a chhuah tawh thu leh hemi zinga vawi 300 kangmei chh- uak chu lo hal vang a nih thu tarlan niin, ram kang tum 12 a awm tawh thu tarlan a ni.
DFO, Kolasib Mar- garet Lalramchhani’n Forest Survey of In- dia-in a tarlan danin, kumina Kolasib district-a vawi 312 kangmei chhuaka lo hal vanga kang zau zawng Hec- tare 464.99-a zau a nih thu leh ram kang zau zawng Hectare 4.73 a nih thu a sawi a. Serlui tuikhuah kama kangmei chhuaka mawhphurtu man chhuah a nih theih nan Kolasib Police Station-ah thubuai theh- luh a nih thu a sawi.
Thutkhawm kaihh- ruaitu Kolasib Bawrh- sap John LT Sanga’n ram leilung hausakna humhalh chu mitin mawhphurna a nih thu leh tuna hmalakna chuan hmalam hun thui tak a hril dawn avanga tihtakzeta ng- aihtuahna sen a tul thu a sawi a. Kawlphetha siam chhuah nana lui khuah kam tichereu zawnga hmalakna hmuh tur a awm leh thin pawi a tih thu pawh sawiin, dan hmanga hmalak a nih tur thu leh ram lei- lung hau- sakna venhim pawimawh zia inzirtirna uar zawka kalpui a tul thu a sawi bawk.
Kolasib district le- vel fire prevention committee hian Hmunphiah chingtu ten a hun taka ram an hal hman loh thin avanga harsatna an tawh dan te sawihovin, Serlui leh Tuirial Hydel Project tuikhuah kam ramngaw chereu mek siamthat leh humhalh tura hmalak dan tur te an sawihova. Dan lova huan leh lo siam lui an awm a nih chuan hrem an nih tur thu an sawi bawk a ni.