aIZAWL: India zalen kum 75-na lawmna -Azadi Ka Amrit Mahotsav- kal zelah nimin khan Lunglei Bawrhsap Kulothungan-a’n India tana zalenna sualtu Dar- thawma Renthlei (L), Chanmari, Lunglei hriatrengna leh chawimawina thuziak a chh- ungte hnenah a hlan.
Lunglei Bawrhsap chuan India zalen kum 75 lawmna denchhena India sorkarin zalenna sualtu chawimawi tura a thlan chhuah 75 zingah Darthawma Renthlei a tel chu a chhuang hle tih a sawi a. “India-in zalenna a sualna kawngah nasa takin tha leh zung a seng a, Indian National Army-ah telin India-in zalenna a sualchhuahnaah a tha- wh hlawk hle” tiin, a inpekna leh huaisenna te thangthar lo awm zel tur ten an entawn zel tur thu a sawi bawk.
Sorkar thuchhuahin a tarlan danin Darth- awma Renthei hi kum 1920-ah Pukpui khuaah piangin, November ni 27, 1940-ah British Army a zawm a. Kum 1941-a Malaysia-a thawn zingah telin, kum 1942-ah Japan leh British sipaite Prisoner of War-a man zingah a tel. Jail atanga a chhuah hnu ah Indian National Army zawmin, man a ni leh a, kum 1946-ah chhuah zalen leh a ni.
India ramin zalenna a hmuh hnuah Freedom Fighter of India-ah pawm a ni a. India zalenna sualtute tana siam Tamrapatra Award pawh August ni 15, 1973 khan hlan a ni. Chanmari, Lunglei-ah chengin, July ni 21, 2019 khan a boral a ni.