Inremna zah lova a car chu rawng pawla a chei vangin Ferrari chuan Justin Bieber chu blacklist-ah a dah.
Italian car siamtu lar hian JB-a car var Ferrari 458 ch inremna ngai pawimawh lova rawng danga a chei chu an en liam thei lova, Ferrari zahawmna vawng tlat tura intiamna a bawhchhia ah an ngai a ni.
Kum 2016 khan JB hian Los Angeles-a zan lam party a chim laiin, a tibo nghe nghe tawh a, tin, charity auction-ah lilam tumin a nawr lut tawh bawk.
JB-a’n car a suasam dan leh chei duh dan hi Ferrari lam chuan pawm harsa an ti ngang mai a, rawng chei bakah eng eng emaw lai a lo khawih danglam bawk nen, kawmserh ngei tul an ti.
Ferrari dan ah chuan a neitu hian kumkhat a kawl tlin hnu ah chauh a duh chuan a hralh thei a, hemi hma hian company a hriattir hmasa tur a ni bawk a, duh huna lei theih a nih theih nan hei hi ngaihpawimawh hle turin an phut tlat a ni. Chu mai bakah mahni thu lo siam danglam emaw chei kual vel khap a ni tel.
Kum 28 mi Justin ang tho hian milar- 50 Cent, Nicholas Cage leh Kim Kardashian te pawhin heti ang buaina hi an lo tawng tawh bawk.