aIZAWL: Information & Public Relations department officer te – Jt. Director PB Lianthangpuii leh Dy. Director Pratap Chhetri ten nimin khan IIMC Regional Campus, MZU Tanh- rila journalism zirlaite inkawmhona hun an hmanpui a. PB. Lianth- angpuii’n IIMC Lab Journal ‘IIMC Express’ a tlangzarh nghal.
I&PR Jt. Director PB Lianthangpuii chuan tunlai India ram media te hnathawh dan chu hmanlai nena khaikhina a danglam nasat tawh thu sawiin, “Mipuite thlavang hauhva, demo- cracy vawnghimtu leh khaidingtu ‘fourth pillar of democracy’ anga ram rawngbawltu an ni thin a, tunah chuan mi thiltithei tlemte in me- dia hi politics hmanrua leh sumdawnna atan an hmang nasa ta hle niin a lang” a ti.
IIMC zirlaite chu an zirchhuah hnuah India ram media kalphung thlak danglam tura huai- sen taka hnathawk tura chahin, PB Lianthangpuii chuan sorkarah emaw, corporate sector leh media lama an thawk a nih pawhin an hnathawhna leh awmna hmun apiangah rilru nghet tak pua, thil tha zawk turah chuan mite duhsak loh leh maltlat pawh huam zel turin a fuih bawk.
IIMC Regional Centre-a , Regional Director L.R Sailo-in IIMC Regional centre dinchhoh dan te, kum 10 chhunga zirlai an neih dan te leh course an zawh hnua an zirlai ten journalism leh a kaihhnawih hna hrang hranga hlawhtlinna an hmuh dan te a sawi a. PB. Lianthangpuii leh Pratap Chhetri ten Mizorama media leh chanchinbute hnathawh leh kalphung chungchanga zirlai ten zawhna an neih te leh I&PR department hnathawh dan chungchanga zawhna an neihte chhangin sawihona hun an hmang ho bawk a ni.