Sunrisers Hyderabad in a sang pali zinga tel turin beisei an la nei a, run 3 in Mumbai Indians an hneh.
A zawna vawi nga an tlawm hnuah Sunrisers in Kane Williamson aiah Priyam Garg(42) an luh hmasak tir a. Thutlukna siam fuhin Rahul Tripathi (76) nen over 16 chhungin an tal na dun hle a, Nicholas Pooran chuan run 38 a thawh bawk.
An run 193 siam chu Mumbai in an umpha teuh hle a, an batsman pathum in run 40 chuang an siam.
Mahse Sunrisers fast bowler Umran Malik chuan wicket thum la in Mumbai a tihthaih a. Over 19-naah Bhuvneshwar Kumar chuan maiden over a vawm bakah wicket khat la in Indians hi wicket 7 hlohin run 190 chiah siamin an chelh.