College rap lovin, kum 4 chhung college nun tem ve hman lo mah se, Taylor Swift chu New York University atanga zirlai graduate te hmaah thusawina hun pek niin, amah ngei pawh hian honorary doctorate of fine arts a hlawhchhuak bawk.
Yankee Stadium-a graduation ceremony-ah fiamthu-a bultanin, “Helai hmuna ka lo tel theihna chhan 90% hi ka hla, ’22’ vang kha a ni ngei ang,” a ti a, minute 20 awh thuchah a sawiah hian post-graduate hnu lam leh eizawnna kawng zawh tawh tur zirlai chhuak turte tan hringnun zirlai pawimawh tak tak a hlui.
Taylor Swit chuan, “Thil harsa leh khirhkhan tak tak kan chungah a lo thleng ang. Kan dingchhuak ngei ngei tur a ni. Chuta tang chuan zirlai kan zirchhak bawk ang. Nasa lehzuala tumruhna leh theihna min petu ah kan hman a ngai.
“Thaw thei dinhmun vanneihthlak taka kan din chhung chuan kan thaw zel ang, thawk lut leh thawkchhuak te thlengin kan ti zel ang. Tunah doctor ka ni ta a, thawk (breathing) hnathawh pawimawhzia ka hria a ni,” a ti.