Tunlaia sawihlawh tak pakhat ni mek, Adidas leh Gucci te thawhdunnaa siam Nihliap hi a ni a, $1,290 man ni bawk hi waterproof a ni lo zui!
Company lamin thuchhuah an siamah, ‘Khawngaih takin hei hi lo hria u la, kan thil siam hi tui huh haw em em a ni a, nihliap emaw tar mawi atan chauha siam a ni,’ an ti.
A vawnna G-shape ang deuha siam leh print design-ah hian brand pahnih te logo a awm bakah ‘Sun umbrella’ tih inziak a awm a. China rama phochhuah a ni a, social media-ah inhnialna nasa tak a thlen nghal.
Adidas leh Gucci kutchhuak nihliap hi June 7 atanga lei theih tura tlangzarh a ni dawn. Umbrella ti mawlh mawlh a, ruahsur hnuaia khum chhuah theih bawk si loh, man to em em bawk si hian thawm a nei ring viau mai.
Nitina ruahsur hnuaia hman chi a ni hauh lova, Ni sa hnuaia lekchhuah chi a nih bakah thil hlu leh manto khawlkhawm thinte tan mamawh chhanna a ni ang, tih a ni.
China ramah hian luxury products mamawhna a sang tual tual a, 2025 ah phei chuan khawvelhuap thil changkang tak takte Inpui ni hial tura an sawi China-ah hian he nihliap dawnsawn dan erawh a khuang rual lo hle a ni.