International Day of Biological Diversity hmang

Aizawl : Nimin (Pathianni) kha International Day of Biological Diversity a ni a, he ni denchhen hian Zirtawpni khan Mizoram Pollution Control Board (MPCB) hnuaia Mizoram ENVIS Hub leh National Green Corps (NGC) tangdun huaihawtin Aizawla sikul hrang hranga eco club member ten Aizawl Sahuan (Aizawl Zoological Park) an tlawh.

International Day of Biological Diversity hi kuminah Pathianni a nih avangin Zirtawpni-ah eco club member te leh an zirtirtute bakah MPCB-a thawktu ten an hmang a, R.O leh sahuan enkawltu ten sahuan lo fanpuiin hrilhfiah ngai te an lo hrilhfiah bawk.

Eco club member kalkhâwmte chuan sahuana ramsa awmte bakah thing leh mau awmte zirchiangin, Biodiversity vênhim kawnga theihtâwpa hma la tura zirtir an ni.

Biological Diversity Day pual hian Mizoram ENVIS Hub leh NGC-te hian Primary School atanga Higher Secondary school level thlenga eco club member-te pualin Online quiz competition an buatsaih mek bawk a, tunkar Nilaini-ah result an puang ang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427