British tennis star Emma Raducanu chuan senior level a French Open a khelh hmasak berah fiahna lian a paltlang a. Inkhel hmuhnawm takah Czech tleirawl Linda Noskova chu a hneh.
Kum 19 mi British number one hi set khat leh break vawi khat a hniam zawkah a tang hman a, mahse theihtawp a bei letin a khingpui lakah a tho leh a, 6-7 (4-7) 7-5 6-1 in a khingpui a hneh.
US Open champion lai hi tun tumah hian seeded number 12 a ni a, a khingpui kum 17 mi Noskova nena an ball vuak inchhanglet a hmuhnawm.
Raducano hian thla hmasa chauh khan hmeichhe tennis inelna sangah clay court inelna a hmachhawn tan a. Great Britain tahn Billie Jean King Cup khelin Stuttgart leh Madrid a singles inelnaah pawh a che chhe lo.
Mahse heti chung hian a clay court-ah tawnhriat a la nei tam tawk lova, inhliam in a tihbuai ve leh thin avangin a taksa chu clay court a thleng thui turin a fit tha em tih zawhna a awm thung.
Round hnihnaah Belarus mi Aliaksandra Sasnovich a hmachhawn leh ang.