Aizawl : Febry Institute of Skill Development & Training Centre-in an buatsaih Community Facilities Centre for Baking & Confectionary, Fashion Designing leh Tailoring chu Aizawl North II bialtu MLA Dr Vanlalthlana’n nimin khan Ramhlun South Community Hall-ah a hawng.
Dr Vanlalthlana chuan thalai eizawnna mumal neilo, mahni kea din tum te tana inzirna hmun din a ni chu lawmawm a tih thu a sawi a. Hetiang lama tui thalai tam takin hlawhtling taka he hmun atanga an zirchhuah ngei a beisei thu a sawi.
Febry Institute of Skill Developments & Training Centre hian kumin April ni 22 khan bialtu MLA Dr. Vanlalthlana chu thawhhona thuthlung an ziahpui a. Bialtu MLA chuan he zirna hmunin hma a sawn theihna tura hma la zuiin, MLA fund pawh engemawzat pekchhuah a nih thu thudawnna chuan a sawi a. Febry Institute of Skill Developments & Training Centre-ah hian thawktu 2 leh zirlai 16 an awm mek niin a sawi bawk.