Golden State Warriors in NBA Finals khel turin an hmun an tichiang a. Dallas Mavericks 120-110 in Zirtawpni zingah hnehin Western Conference Finals-ah an champion.
Warriors hi tunhnai kum riat chhunga NBA Finals an khelh vawi rukna tur a ni a. Kum 1990 chhova coach Phil Jackson leh star Michael Jordan hova Chicago Bulls hnua hetiang ti leh thei hmasa ber an ni.
West Finals series hi 4-0 a la thei an nihlaiin game 4-ah Mavericks an tho leh a, Warriors an inthlahdul. Mahse Zirtawpni zingah erawh anmahni court ngeiah Warriors in an tanrualna an chakpui a. An starting 5 in point 10 chuang score vekin Klay Thompson chuan 3 points vawi 8 a lut a, point 32 score in a tawp khar thatna chhan lian tak a ni.
Mavericks tan Luka Doncic chuan point 28 score in Spencer Dinwiddie chuan 26 a score ve bawk.
Warriors hian kum 2015, 2017 leh 2018-ah te NBA title an chawi a, kum 2016 leh 2019-ah Finals-ah an tlawm a. Inhliam in a tihbuai leh an team duanthat leh a nih chhungin kum hnih NBA Playoffs an khel lo thung.