Manchester United chuan Ralf Rangnick chu an club-ah consultant anga hna thawk tura inremna an neih tawh chu a hman chhunzawm loh tur thu an puang.
United hian kum 63 mi, an interim manager hlui hi Austria national team a enkawl tura insawrbing a nih avangin a chhuak dawn tih an sawi.
Rangnick hian November thla khan United hi enkawlin an season siamtha turin hna a thawk a. An beisei ang erawh thlenpui lovin United in Premier League awm hnua point an hmuh tlem ber tum an hmang a, season tharah UEFA Champions League an khelpha dawn lo.
United chuan, “Ralf hi Austria national team-ah a insawrbing theih nan Old Trafford-ah consultant angin hna a thawk dawn lo. Bung thar a kaina turah duhsakna kan hlan.” an ti.
United manager thar tur Erik Ten Hag chu manager hna a zawm ni in Rangnick-a consultant hna chungchang hi zawh a lo ni tawh a, hei hi chu club thutlukna tur a ni tiin Ten Hag hian a lo chhang tawh.