UEFA hnuaia technical observer panel chuan tun season Champions League player chawimawina a thlang a. Real Madrid striker Karim Benzema chu 2021/22 UEFA Champions League Player of the Season-ah an thlang.
Kum 34 mi Benzema hian a vawi nga na atan he trophy hi tun season-ah a chawi a, Real Madrid in 1-0 a final a Liverpool an hnehna kawngah a pawimawh.
French striker hi tun season-ah Real Madrid tana player pawimawh a ni a, team hmahruaitu niin a tawnhriat hi record ni tura a vawi 14-na atana European champion an nihna kawngah team tan a hlu.
Benzema hian professional football a khelh chhunga a vawikhatna atan Champions League season khatah goal 10 aia tam a khung mai a ni lova, goal 15 a khung hi tun season-ah player pakhat in goal a khung hnem ber a ni.
Benzema pawimawhna tichiangtu chu heng goal 15 zinga goal 10 hi knockout stage-ah a khung te an ni a, round of 16-ah Paris St-Germain laka huntawp dawn lama hattrick a siam chu Real Madrid season ti danglamtu a ni a.
Chelsea lakah Stamford Bridge-ah hattrick siam leh bawkin Spain-ah champion lai lakah chakna goal a khung leh bawk. Semi-final ah Manchester City lakah mihnute 180 chhungin goal thum a khung a, extra-time a penalty a khung hmangin ‘comeback’ ropui an puitlin.
Heng goal-te avang hian Benzema hi European Cup a goal khung hnemte zingah Robert Lewandowski nen pathumna an hauh mek.
A coach Carlo Ancelotti chuan, “Wine tha mi ang maiin a upa telh telh a, a tha telh telh. Nitin team-ah hmahruaitu tha, hotu pawimawh a nih belh zel a, team tana a pawimawhzia hi a hrethiam a, he club tan hian a hlu hle. Kan zinga a tel hi lawmna tur a ni.” tiin a lo fak tawh.
Vini pawh chawimawi a ni
Final a Real Madrid chakna goal khungtu Vinicius Junior chu tun season-a fak phu taka a inkhelh hnuah chawimawi a ni a, 2021/22 UEFA Champions League Young Player of the Season-ah an thlang.
Kum 21 mi Brazil winger hian theihna sang tak a nei tih lantir tawh thin mahse tun season-ah a par vul a, final-ah Real Madrid hlauhawm chhuahna ber a ni a, minute 59-naah Federico Valverde ball cross chu goal-ah a thai lut.
He goal hi tun season Champions League-ah a goal li na niin midang goal khung tur vawi ruk a siamsak.
Heng assist vawi 6 zinga a tam zawk hi tlarhmaa a kawppui Karim Benzema a siamsak an ni a. Tunhma in Benzema hian khelmual chhunga a thutlukna siam sawisel tawh thin mahse tun season-ah Vinicius-a tlanchakna, ke rang leh ball thiamna a chhawr.
Top goalscorers
Rank Player Team Goals
1 Karim Benzema Real Madrid 15
2 Robert Lewandowski Bayern Munich 13
3 Sébastien Haller Ajax 11
Top assists
Rank Player Team Assists
1 Bruno Fernandes Manchester United 7
2 Leroy Sané Bayern Munich 6
Vinícius Júnior Real Madrid
4 Antony Ajax 5
Squad of the season
Pos. Player Team
GK Thibaut Courtois Real Madrid
DF Trent Alexander-Arnold Liverpool
Antonio Rüdiger Chelsea
Virgil van Dijk Liverpool
Andrew Robertson Liverpool
MF Kevin De Bruyne Manchester City
Fabinho Liverpool
Luka Modrić Real Madrid
FW Kylian Mbappé Paris Saint-Germain
Karim Benzema Real Madrid
Vinícius Júnior Real Madrid
Player of the Season
Karim Benzema (Real Madrid)
Young Player of the Season
Vinícius Júnior (Real Madrid)