French Open seeded number 3 Alexander Zverev chuan a kum zanwin French Open semi-final a khel dawn a. Tunhnaia rawlthar fak hlawh leh lar chak Carlos Alcaraz-a beih letna chu dang hlawhtlingin hnehna a chang.
Thawhlehni zana inkhelah Zverev hian a khingpui seeded number 6 lakah hian 6-4 6-4 4-6 7-6 (9-7) in a chak a. A vawikhatna atana Grand Slam title lak tumin ke a pen chhunzawm.
Kum 25 mi German star hian ball tha takin serve thin in a ball vuak let a tha thin bawk a. Lehlamah a khingpui kum 19 mi in tihsual avanga point chawi a nei leh thin.
Court Philippe-Chatrier a inkhelah Alcaraz hi set thumnaah insiamtha in set a la let a, set li naah theihtawp a inbeiin a tawpah erawh a tling zo ta lo.
Nikum khan world number three ni lai Zverev hian semi-final ah Stefanos Tsitsipas a hneh lo tawh a. Kuminah a sang pali zinga tel turin tun tournament a fiahna a tawn tawh zinga hautak ber a paltlang.
“A tir atangin ka khelhchhiat a thiang lo tih ka hria. Player tha bik a ni a, ka chak hnu khan he tournament-ah hiam tum khat chauh ni lo a la champion fo dawn tih ka hrilh.”
“A champion chhoh tak tak hma a pakhat tal lo lak hman ka duh.” tiin Zverev chuan a chak hnuah a khingpui a fak a. Grand Slam semi-final a luh tum nga na a ni a, final hi vawikhat chiah a la lut.