School Education Department leh Durex The Birds & Bees Talk tangdun buatsaihin Mizoram Secondary School Games vawi 43–na chu Thawhlehni khan Aizawlah tan a ni a, Zirtawpni thleng a awh ang.
Secondary School Games-ah hian sports discipline paruk – athletics, football, judo, volleyball, kawikah leh kalchhet-ahte zirlaite an inel dawn a, hmun hrang hrangah nghah a ni.
Games hi hmun hrang hrangah discipline incharge-te kaihhruaiin hawn a ni a. District 11 atangin zirlai leh zirtirtu an tel a, Aizawl pawn atangin zirlai 720 leh zirtirtu 60 an tel a, Aizawl chhung atangin zirlai 74 leh zirtirtu paruk, an vaiin mi 860 an tel a ni.
Aizawl pawn atanga telte hi Govt. Mizo High School, Govt. Chaltlang High School leh Govt. K.V.M High School-ten an thleng a ni.
School Education Department thawhpuitu, Durex the Birds and Bees Talk hian Mizoram chhunga district hrang hrangah kum nga kal ta atang khan Growing Up Life Skills Education Programme a kalpui mek a. Prof. Ravi Bhatnagar, Director – Communications & Corporate Affairs, South Asia, MENARP & Africa, Reckitt chuan thalaiten hmakhaw êng an neih nana School Education Department nen an thawk dun thei chu lawmawm a tih thu leh sorkar enkawl secondary school hrang hranga zirlaite hnenah mihring nun innghahna bul panga – consent, awareness, inclusion, protection leh equity chungchang an kum mila zirtirna pein thalai la naupang zawkte chu an thanlenna kawngah huaisen taka an kal theih nan leh thutlukna dik an siam theih nan hriatna leh nun thiamna pek chu an tum ber a nih thu a sawi a, 43rd Mizoram Secondary School Games, 2026 tihlawhtling tura Durex The Birds and Bees Talk-in tha a thawh ve thei chu lawmawm a tih thu a sawi bawk.
Venue for 43rd Mizoram Secondary School Games, 2026
- Athletics(Boys & Girls) : Rajiv Gandhi Stadium & 3rd Bn. MAP Ground, Mualpui
- Football(Boys) : Rajiv Gandhi Stadium & Chite Playground
- Judo : Electric Veng Indoor Badminton Court
- Volleyball(Boys) : Joint YMA Indoor, Vaivakawn
- Volley Ball(Girls) : Electric Veng Indoor
- Kawikah & Kalchhet : Chaltlang Field