Aizawl : Champhai Zotlanga Botanical Garden dinna tur lungphum chu nimin khan EF& CC Minister TJ. Lalnuntluanga’n Zotlang hmunhluiah a phum.
TJ Lalnuntluanga chuan Champhai master plan kentel Ecotourism Park, Cultural Centre, Circular road, Infiamna hmunhma, Industrial Centre leh ruahmanna dang dang zingah Botanical Garden siam chu a tel thu sawiin, Champhai khawtlang leh Mizoram tana chhenfakawm tak tura a puitlin theihna tura hmalak chhoh zel a nih thu a sawi a. State leh central fund hmanga bultan a nih thu sawiin, “Reilote chhunga peih fel mai tur chi a nih loh avangin mipui lama inzirtirna pek hmasak hmanga bultan chhoh tul a ni”, a ti.
Forest Minister chuan Forest department hnuaia project-ah te mipui tel vena ngaihpawimawh a nih tu sawiin, Green India Mission-ah mipui ten neitu thinlung an puta an tel ve zel theihna tura hm- alak thin a nih thu a sawi a. “Kan chhehvel ram ngaw leh nungchate humhalha venhim kawngah mipui ten neitu thinlung kan pu thin a, lawmawm hle, Botanical Garden siam turah pawh mipuite a tam thei ang ber an tel theihna tura ngaihtuahna sen a ni”, a ti bawk.