Chief Election Commissioner Rajeev Kumar chuan Uttarakhand-a polling booth kilkhawr ber, tlangram khawkrawk taka km 18 zet kea kal ngai chu Zirtawpni khan kal thlengin amah ngeiin inthlana duty-te hna hautakzia hriatpui turin a kal ve tih a sawi.
Kumar hian Dumak leh Kalgoth khua, Uttarakhand-a polling booth kilkhawr ber, Chamoli district-a mite hi a tlawh.
ANI hnenah CEC hian polling party-te chu ni eng emaw zat kalkawngah an thang a ngai niin a sawi.
“He hmun thleng tur hian polling party-te hi ni thum an thang a ngai a. Inthlan buaipuituten inthlan laia hna khirh tak an thawh hi hmuhpui ve ngei ka duh a ni,” a ti.
CEC Kumar hian hmun dang, kilkhawr tak taka vote thlakna hmunte pawh an mamawh enpui tura tlawh zel a la tum thu a sawi bawk.
“Polling booth kilkhawr zual dangte pawh ka tlawh zel dawn a, voter-ten an mamawh angte ka enpui dawn a ni,” a ti.
Dumak leh Kalgoth polling station hi Badrinath assembly biala mi a ni.
Hetih lai hian Zirtawpni khan Uttarakhand Chief Minister Pushkar Singh Dhami chuan Champawat bye-election-ah vote 55,000 chuangin hnehna a chang.
Dhami-a tan he inthlan hi kumin kum tira BJP-in chiang taka an state assembly inthlana hnehna an chan laia amah ber a chak zawh loh hnua chief minister ni zui tura hnehna a chan ngei a ngaihna a ni.