Kum tam liam hnu ah Israeli writer thuziak behchhana siam 1986 kuma Tom Cruise channa film hit tak, ‘Top Gun’ buaipuitu fim studio, Paramount Picture chu copyright bawhchhiatna chungchangah a chhungte’n an khing ta.
Ehud Younay-a story ziah, ‘Top Guns’ (1983) behchhana siam ve ngawt thei turin ‘rights’ an nei lo, an ti. He film squel ‘Top Gun: Marverick’ chu thla hmasa khan tlangzarh a ni.
Paramount chuan thubelhchiain dawl lo tiin, khinlet an tum.
Ehud-a nupui leh a fapa te chuan thawhtanni khan thubuai hi Los Angeles federal court-ah an thlen a, Paramount hian Ehud-a ziah, magazine pakhata tarlan lakchhawnna kawngah US Copyright Act bawhchhiatna a awm an ti.
Paramount hnen atangin zangnadawmna an phut bakah box office-a rorel mek Top Gun: Marverick atanga hlawkna an phut tel.
Top Gun: Marvercik hi Covid vuakvet-a weekend-a tilm tlangzarh tawha hit ber palina a ni a; Spider-Man: No Way Home, Doctor Strange in the Multiverse of Madness leh The Batman te chiah a pha lo.