Muslim ramte nena an inkungkaihna buai vek thei dinhmuna India dahtu bulpui ber hi Nupur Sharma a ni a, kum 37 mi a ni.
Dan hre mi, Sharma-i hi a nihna atanga chawlh lailawktir a nih hma khan BJP thupuangtu niin zan tin TV-a thil sawihonaah Prime Minister Modi-a sorkar aiawha dingin sawiseltute laka chhana thu sawitu a ni.
Delhi University atanga dan zir chhuak hian kum 2008 atang khan politics luhchilhin Hindu nationalist Rashtriya Swayamsevak Sangh movement hnuaia zirlai pawl, Akhil Bharatiya Vidyarthi Parishad (ABVP)-ah president atan thlan tlin a ni.
London School of Economics-ah international business law-ah masters degree a zir zawm zo India-a a haw leh hnu lawk, kum 2011 atang khan thuk lehzualin politics-ah hian a inhmang ta a ni.
Kum 2013-a Delhi assembly inthlan lai khan BJP media committee-ah telin a mi hnial thiam, mi ngaihdan paih thla thiam leh awihawm taka sawi thiam a nih bakah Hindi leh saptawnga duhtawka a sawi theihna avangin hriat a hlawh hle.
Kum hnih hnua inthlan lehah BJP chuan Delhi Chief Minister Arvind Kejriwal an khintir ta hial a ni.
Tumahin a chak an rin loh ang ngeiin a chak lo va; mahse, a campaign thiam em avangin kum 2020 khan Delhi BJP chuan an thupuangtu-ah an dah ta a. A hnuah phei chuan ‘national spokesperson’ a ni ta hial a ni.