Khawvela footballer hlu ber chhutna kalpuiah France leh Paris St-Germain forward Kylian Mbappe chu a sang ber a. Vinicius Junior leh Erling Haaland ten an dawt.
CIES Football Observatory chuan he zirchianna hi a kalpui a, kum 23 mi Mbappe hi Euro maktaduai 205.6/Pound maktaduai 175.7 a hlu niin an chhut.
UEFA Champions League final a Real Madrid chakna goal khungtu Brazilian winger Vinicius Jr chu pahnihna a ni a, Pound maktaduai 158.3 a hlu a chhut niin Manchester City pan tur striker Haaland chu Pound maktaduai 130.4 a hlu a ni ve thung.
CIES hian a zirchiannaah hian player te kum bakah khelmual chhunga an chet dan, an club khelhna hlut zawng leh sumdawnna kawngah an buk rih dante an thlir tel vek a ni.
Top 100 zingah Premier League player 41 an tel a, Manchester City midfielder Phil Foden chu sang berin paruknaah a awm.
Top 100-ah kum 30 mi Premier League player of the season dawngtu Kevin de Bruyne chu a upa ber a, kum 17 mi Barcelona midfielder Gavi a naupang ber.
[10:05 pm, 07/06/2022] +91 96128 19840: Arsenal in Scamacca an ngaihven
Sassuolo director Giovanni Carnevali chuan an striker kum 23 mi Gianluca Scamacca chu ngaihventu an tam thu a sawi.
Tun season a league goal 16 khungtu hi Premier League club Arsenal bakah Serie A club Inter leh AC Milan ten an ngaihven mek a.Carnevali hian lei tumna mumal tak erawh an la dawn loh thu a sawi.
“Kan player tam zawk chelh hi kan thupui chu a ni a, tunah engmah thil chiang a la awm rih lo bawk.” tiin Scamacca chungchang zawhna a chhang.