Hollywood star Johnny Depp chuan court-a a nupui hlui Amber Heard laka hneha a chan lawm nan a thiantha te nen zanriah tuihnai an kil. Indian chawhmeh an ei honaah hian $62,000 (Rs 58.1 lakh) a seng.
New York Post chanchinbu tarlan danin, Birmingham, ,England-a chawhlui kilhonaah Depp hi a tal na hle a, ‘Varnasi’ restaurant-ah hian ei leh in lamah insum karna awm miah lovin he khawpuia Indian restaurant tha bera ngaihah hian hlim takin hun an hmang.
Fairfax, Virginia court-a zangnadawmna $Maktaduai 15 dawng tura puan a nih khan karhmasa mai kha a ni a, a nupui hlui Heard hian $Maktaduai 2 a dawng ve bawk ang.
Depp-a security te hian khawpui laili a awm ‘Varanasia’ restaurant hi a hmalamah an lo en thli thlai lawk diamj tawh a, venhimna pawh an uluk. Depp hian zanriah tuihnai tak a kil hnu-ah ei siamtute leh restaurant-a thawktute chibai semkualin, inkawmna hun an hman bawk.
Varanasi enkawltu Mohammed Hussain chuan, “Sunday tlai lam khan Johnny Depp-a’n kan restaurant-ah zanriah a rawn kil dawn niin thu kan dawng thut mai a, min barakhaih hle,” tiin a sawi.